Hala, Bruesako arduradunek jakinarazi digute martxoaren bigarren hamabostaldian hasiko direla aipatutako bi bloke horien zimenduak jartzen eta etxe horiek eraikitzen. 9. eta 10. blokeak erdigunetik gertuen daude.
Beste lau bloke, baimen zain
Horrez gain, Bruesako arduradunek aditzera eman digute 5. eta 6. blokeak egiteko baimena orain dela aste batzuk eskatu zutela; eta 11.a eta 12.a egiteko eskaera egubakoitzean, aurkeztu zutela. Une honetan, eraikuntza sustatzailea Udalaren erantzunaren zain dago.
Dagoeneko, Bruesa jarri da harremanetan lehenengo bi blokeetan etxebizitzak eskuratuko dituztenekin. Aurreikusitakoaren arabera, martxoaren bigarren hamabostaldian kontratuak sinatuko dituzte.
Guztira 12 bloke dira
Apotzaetxebarriko maldan egingo duten urbanizazioa oso handia izango da, eta tartean, etxebizitza libreak, tasatuak eta babes ofizialekoak egongo dira.
12 bloke horietatik ugari Udalak bultzatutako etxebizitza tasatuak izango dira. 2004an egin zuten promozio horretan onartutakoen arteko zozketa.