Bingoa, Saharako umeen alde dirua batzeko

Sahararen aldeko elkartasun ekitaldia egingo dute gaur (18:00-20:00), Durana kalean. Sahararen alde lan egiten duen Iesbaa elkarteak antolatu du, Jaiki elkartearen laguntzarekin. Eta helburua da Saharako umeei laguntzeko dirua batzea.

Proiektu horren berri ematen duten argazkiak eta argibideak jarriko dituzte herritarren eskura, ume horiek non eta zelan bizi diren jakin dezaten aretxabaletarrek.


Ospakizunari 18:00etan emango diote hasiera, eta tea eta Saharako artisauek egindako produktuak jarriko dituzte salgai. 19:00etan, Egiptoko dantzen erakustaldia egingo dute Jaiki elkarteko kideek, eta ondoren Saharakoak dantzatuko dituzte. 20:00etan, bingoa egingo dute. Txartelak aurrez eros daitezke Beroa kafetegian, eta bestela, hasi baino lehen Durana kalean jarritako karpan bertan izango dituzte, euro baten truke.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.