Aretxabaletako emakume eta gizonen arteko berdintasun diagnostikoa bukatu berri du Berdintasun Zerbitzuak, bai udal barrukoa baita herri mailakoa ere. Horregatik, Aretxabaletako I. Berdintasun Planari behin betiko baiezkoa eman aurretik, herriko eragile sozialekin eta herritarrekin kontrastatu gura dute planteatu dituzten helburu eta ekintzak.
Datorren eguenean, otsailak 12 (18:00) Arkupe kultur etxean batzarra egingo dute. Horren helburu nagusia izango da arlo bakoitzerako planteatu dituzten helburuak eta ekintzak aztertzea eta iradokizun eta proposamenak jasotzea. Hona gai zerrenda:
• Aretxabaletako I. Berdintasunerako Plana onartzeko erabiliko den metodologiaren aurkezpena.
• Arlo bakoitzari egokitutako helburu eta ekintzen azterketa.
• Iradokizun eta proposamenak jaso.