Beinke eta Loramendi elkarteek bat egin zutenean sortu zuen dantza, Loramendi Dantza Taldeak. Orain urte batzuk San Migel jaietan dantzatzen zuten, baina azken urteotan ez dute egin. Horregatik berreskuratu egin gura du Loramendi Euskara Elkarteak.
Hori horrela, maiatzaren 17an ospatuko duten Euskararen Egunean dantzatu gura dute. Aurretik, baina, entseguak egingo dituzte hiru egunetan. Dakitenek gogorarazteko izango da, eta dantzatzen ez dakitenek ikasteko aukera izango dute Loramendi Dantza Taldeko kideen eskutik. Hona egunak: apirilaren 23an eta maiatzaren 7an eta 14an (19:00etan), Arizmendi ikastolako Basabeazpi gunean.
Talde handia osatu gura dute antolatzaileek –neska eta mutil–, horregatik aretxabaletar guztiak animatu dituzte dantza ikasi eta maiatzaren 17ko ospakizunean parte hartzera.