Bukatuta dagoen denboraldiaren gaineko hausnarketa egingo dute lehenengo eta diru kontuak zelan geratu diren jakinarazi. Gero 2010-2011 denboraldia aurkeztuko dute eta aurrekontuaren berri eman ondoren onartu. Bukatu aurretik zuzendaritzako kideei galderak eta eskaerak egiteko aukera izango dute bazkideek.
Gainera, Jokalari oso-osoa sarien banaketa egingo dute batzarrean. Dagoeneko hirugarren aldiz banatuko dituzte sariok eta UDA osatzen duten talde guztietako kirolariek jasoko dute: futbola –maila bakoitzeko jokalari batek–, areto futbola, pilota eta karatea. Hainbat ezaugarri eta balore hartu dituzte kontuan sarituak aukeratzeko orduan.