Batzar Nagusien autobusa gurean

Batzar Nagusien berri ematen duen autobusa Aretxabaletara iritsi da orain dela ordubete. Zapatura bitartean izango da –eguena izan ezik– herritarren zerbitzura.

Herriz herri dabil Batzar Nagusien berri ematen duen autobusa eta datozen egunak Aretxabaletan pasatuko ditu, Herriko Plaza barrenean, maiatzaren 23ra bitartean hain zuzen –eguena, hilak 21 izan ezik–. Hona ordutegia: martitzenetik egubakoitzera, 09:30-14:00 eta 16:00-19:30 eta zapatuan, 10:00-14:00.

Batzar Nagusiak Gipuzkoako legebiltzarra dira. Legebiltzar hori zelan dagoen osatuta, zein zeregin dituen, non dagoen eta beste hainbat kontu jakin gura duten herritarrek autobusera sartu besterik ez dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.