Txistulariek egingo diote ongietorria egunari, eta 12:00ak inguruan desfilea hasiko dute koadrilek Akelarre txarangak lagunduta. Copreci lantegi alboko lokal baten gertatu dituzte mozorroak, eta hantxe hasiko dute desfilea: Araba ibilbidetik Mitarte kalera egingo dute, Duranatik Lausittara, Murubide plaza eta Bedarreta auzoa pasatu eta Otalora kaletik gora Errekabarrenera.
Eguerdian, 14:30ean, herri bazkaria izango dute kirol etxean. Txartel guztiak daude salduta, 600 inguru, eta giro bikaina sortuko dute koadrilek bazkaldu bitartean. 18:30ean, mozorro lehiaketako sariak banatuko dituzte. Eta afalostea Akelarre txarangak girotuko du.
Martitzenean, umeak
Aratuste-martitzena umeendako izango da. 11:00etan kalejira egingo dute Incansables txarangarekin. 18:00etan buruhandiak etorriko dira, eta ostean euskal diskofestak girotuko du plaza. 20:30ean Txin-aren hileta egingo dute Aratusteei agur esateko.