Deba ibaiaren beste aldean egitekoak diren babes ofizialeko 100 etxebizitzek badute zozketa eguna: azaroak 20, eguena. Zozketarako onartutakoen zerrenda ikusgai egon da uztail eta abuztuan, eta alegazioak aurkezteko epea izan dute zerrendatik kanpo geratu direnek. Epe hori bukatuta dago, eta urriaren erdialdera behin betiko zerrenda bidaliko du Etxebidek udaletxera. Behin-behineko zerrendan 130 bat izen zeuden, hortaz, zozketa egiteko ez dira askoz gehiago izango.
Aipatutako etxebizitzok Bruesa eraikuntza enpresak egingo ditu, Deba ibaiaren beste aldean egiten dabilen gainerako etxe guztiak bezalaxe –tasatuak eta libreak.