Bederatzi auzo daude Aretxabaletan, eta auzo alkate bakoitzak erabakiko du zein sistema erabili bozketa egiteko. Arkarazon, esaterako, elizpean jarriko dute hautestontzia domeka eguerdian; beste auzo batzuetan, ostera, baserriz baserri joango dira boto eske. Auzoan erroldatuta dauden 18 urtetik gorako guztiak dira hautagai.
Boto kontaketa eguaztenean egingo dute, 18:30ean, udaletxean.