Ingurumenaren Nazioarteko Eguna da gaur, ekainak 5, eta horren harira Aste Berdea dabil antolatzen Ingurumen Saila. Ekainaren 15etik 19ra bitartean egingo ditu ekitaldiak eta tartean, gidatze ekonomikoaren gaineko ikastaroa dago. Izenematea zabalik dago, hilaren 12a bitartean.
Automobila zelan gidatu erakutsiko dute ikastaroan, gutxiago kutsatu eta gehiago aurreztu ahal izateko. Ekainaren 16an, martitzena, egingo dute eta lau ordu izango dira, teoria eta praktika bateratuta. Debalde da ikastaroa eta automobilak ere antolatzaileek ekarriko dituzte. Ingurumen teknikariaren esanetan benetan interesgarria da, dirutan zenbat aurreratzen den jakin daitekeelako.
Interesatuek izena aurrez eman behar dute, hilaren 12rako hain zuzen. Horretarako edo argibide gehiago eskatzeko Arkupe kultura etxera deitu behar da, 943 08 10 01.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak