Aurkeztu dute Gabonetako emakumezkoen III. futbol txapelketa

Egubakoitzean aurkeztu zuten Arizmendi Kirol Elkarteak antolatutako Gabonetako Emakumezkoen III. futbol txapelketa. Abenduaren 26an eta 27an jokatuko dira partiduak. Orain arteko helburu berarekin jarraitzen du Arizmendik: Debagoienean emakumezkoen artean kirola sustatzea.

Abenduaren 26an kadete eta infantil mailako zortzinako futbola jokatuko dute 09:30etik 17:00etara Almeneko futbol zelaian. Infantiletan, Arizmendi A, Aloña-mendi, Beasain, Mondra, C.D.Casco Viejo Miranda, Arizmendi B, Anaitasuna eta Urki lehiatuko dira. Kadete mailan, ostera: Arizmendi A, Mondra, Anaitasuna, Aloña-mendi,   C.D.Casco Viejo Miranda eta Eibartarrak.

Futbito txapelketa

16 urtetik gorako neska debagoiendarri zuzenduta dago. Ordua oraindik zehazteke dagoen arren, lekua Almeneko kiroldegia izango da.

Lau talde lehian

Abenduaren 27an, ostera, Debagoieneko selekzioak, Realak, Athleticek eta Eibarrek kuadrangularra jokatuko dute 09:30etik 14:00etara Aretxabaletako Ibarra futbol zelaian.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.