Goizean (10:00-13:00) hurrera daitezke herritarrak Arkupeko gelak ezagutzera. Goizean ezin eta arratsaldean gura izanez gero, ostera, hitzordua egin behar da atezainarekin. Ikastetxe, elkarte edo talderen batek bisita egin gura badu ere hitzordua egin behar du aurrez. Horretarako 943 08 10 01 telefono zenbakira deitu, eta harreran egongo den Aintzanerekin geratu.
Bestalde, erakusketa dago ikusgai Arkupeko erakusketa gelan. Artium museoko artelanak ikusi gura dituenak arratsaldetan joan behar du (18:00-20:00).
Eta liburutegia ere zabalik dago. Ordutegia: 10:00-13:00 eta 17:00-20:00. Ekainaren 16tik irailaren 15era, ostera, udako ordutegia izango du: astelehen, eguazten eta egubakoitzetan, 10:00-14:00; eta martitzen eta eguenetan, 10:00-13:00 eta 17:00-20:00.