Jubilatuei zuzendutako berbaldia Zaraia aretoan da, 16:00etan. Oraingoan, esan bezala, etxean istripuak ekiditeko hartu behar diren neurrien gainean jardungo du Spril erakundeko ordezkari batek.
Bestalde, Mauro Calvoren Toda una vida siendo niños erakusketaren ondotik, maiatzaren 31ra arte Arkupeko ikasleek ikastaroetan egindako arte lanak egongo dira ikusgai. Interesa dutenek 11:00etatik 13:00etara eta 18:00etatik 20:00etara izango dute aretoa zabalik. Zapatuetan, berriz, goizean bakarrik bisitatu ahalko da.
Mundumira
Horretaz aparte, eguaztenean, hilak 20, Mundumira jaialdiaren harira, abian jarritako film laburren bigarren erakusketa egongo da erakusgai, 19:30ean.
Azkenik, ez ahaztu bihar, martitzena, eskola kirolaren gaineko hitzaldia eskainiko dutela Zaraia aretoan. Horretan kirol hastapenaren inguruko ikuspegiaz eta ereduetaz eztabaidatuko da.