Arritxu Oliden aukeratu zuen atzo EAJren Aretxabaletako batzarrak, maiatzeko udal hauteskundeetarako berriz ere aurkezteko. Oraingo Aretxabaletako alkatea EAJren hautagaia izango da, hortaz, Aretxabaletan.
Batzarrak aho batez aukeratu zuen Oliden alkatetzarako hautagai izateko eta oraingo Aretxabaletako alkateak onartu egin zuen hautagaitza.
Hurrengo udal hauteskundeetarako zerrenda ez dute osatu EAJko kideek, baina orain udalean zinegotzi diren batzuek adierazi dute ez dutela jarraitzeko asmorik. Jende berria bilatu beharko dute, beraz.
