Arizmendiko zuzendari Txaro Iraetak Lanbide Heziketakoak izan zituen gogoan: "Orain dela hiru urte zabaldu zuten bidea, eta haien esperientzia kontuan hartzekoa izan da". Era berean, onartu zuen bide samurra ez dela izan: "Eztabaida asko izan ditugu, baina hain zaila ere ez da izan langileen profesionaltasun eta izaeragatik, eta daukagun lan giroagatik. Zerbitzuetakoek lan isila egiten dute baina garrantzitsua". Gainera, pozik azaldu zen "lortutako pausoak lana gero eta hobeto egiten laguntzen duelako".
Bere aldetik Aenorko zuzendari Luz Enparanzak esan zien elkartutako langileei erakundeen baliabideak eta prozesuak optimizatzen direla ziurtagiriarekin: "Langileen eguneroko lana hobetuz zerbitzu maila hobetzea da helburua".
Ekitaldia bukatzeko ziurtagiria jaso zuten Enparanzaren eskutik, eta argazkia atera zuen zerbitzuetako lan taldeak.