Ondo eman diote hasiera norgehiagokari Aretxabaletako mutilek; jokaldi politak eginez eta aukerak sortuz. Ustekabean, baina, partidua maldaz gora ipini zaie. Zazpi minutuan Trintxerpekoek bi gol egin dituzte, biak ere korner bidez.
Ezustearen ondorioz galduta ibili dira etxekoak tarteka, baina jarrera aldaketa argia erakutsi dute atsedenaren ostean partiduari beste norabide bat emanez.
Lehiakortasun handia
Atsedenaren ostean beharrezkoak zituzten bi golen bila irten dira zelaira Gordobilenak, baita lortu ere. Aukera asko sortu dituzte eta jarraitzaileen animuekin iritsi dira berdinketarako golak. Azken 27 minutuak jokalari bat gehiagorekin jokatu dute, hori bai.