Aretxabaletako udaletxearen aurrealdea gorri koloreko pinturaz zikindu dute bart gauean

Bart gauean Aretxabaletako udaletxeari eraso egin diote. ETA EZ dioen kartelari pintura gorria bota diote eta ondorioz udaletxeko aurrealdeak kalteak izan ditu. Ate nagusia eta atearen gaineko leihoak jasan dituzte kalte handienak. Iñaxio Garro alkateak esan du lehenengo aldia dela Aretxabaletako udaletxea erasotzen dutena; gaineratu du, herritarrak ere erasotu dituztela, eta, lanean jarraitzeko asmoa berretsi du, eguneroko jarduna eten barik. Datozen orduetan udaleko talde politiko guztien adostasunarekin prentsa ohar bat ateratzeko asmoa azaldu du, gertatutakoak salatu eta gaitzesteko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.