"Gure alaitasun eta fideltasunagatik saritu gaituzte", dio Jokin Antxia Aratzeko kideak. Hala, pozik ageri dira argazkian Juan Carlos Barkero eta Iker Arexolaleiba garaikurrak eskuetan dituztela.
Aratz elkarteko kide eta senideak izan dira Italian film laburra aurkezten; 38 bat lagun. Aretxabaletarren filma zapatu ilunkeran eman zuten, lehiaketako bigarren jardunaldian, eta bien bitartean inguruko parajeak ezagutzen ibili ziren: egubakoitzean, Turin eta Gorgonzola; eta zapatuan, Milan. "Gorgonzolara ailegatutakoan Bussero herriko alkatea zain geneukan ongietorria egiteko; lehiaketan laguntzen duen herria da Bussero", azaldu du Antxiak.
Hiru onenen atean sartzeko atarian
Urduri joan ziren Are-Baleko sekretoa filmaren aurkezpenera: "Ikusleek disfrutatu egin zuten gure filmarekin eta txalo zaparrada jaso genuen". Sari banaketa iritsitakoan finalisten taldean sartu ziren, baina hiru onenen artean sartzeko atarian geratu. Hala ere, oso pozik itzuli dira alaitasun eta leialtasunaren sariarekin eta ahaztu ezinezko lau egun bizi izan dituztela aitortu dute.