Aurreko eguneko festaren ajea alde batera utzi eta herriko gazteak durana kalera hurbildu dira goizean soka muturrean parte hartzera. Ordu bete pasatxo izan dute bertara gerturatutako gazteek zezenekin jolasean aritzeko. Soka muturra zezen txikiekin hasi badute ere, pixkanaka pixkanaka gero eta zezen handiagoak ateratzen joan dira. Azkenengo zezena galanta izan da; batzuentzat handiegia akaso, horregaitik harresiaren beste aldean gelditzea erabaki dute.
Sokamuturrean parte hartzeko txikiegiak ziren umeek ere izan dute bestelako zezen batzuekin jolasteko aukerarik. Toricos de la Navarreria konpainiak gaztetxoenentzat San Ferminetako entzierroa antolatu du. Batzuek argi erakutsi dute urte batzuk barru ez dutela inolako arazorik izango Iruineako entzierroan parte hartzeko.
Zezenak nagusi izan diren goiz honen ostean herri bazkaria izan da aretxabaletarren hurrengo hitzordua. Balentziako ‘Paellas Giganes’ enpresak sekulako paella prestatu dute herri bazkarian parte hartu dutenentzat.
Jaiei amaiera emateko ‘bukatu da’ abestia arratsaldeko zazpietan kantatuko duten arren seguruenik askok eta askok bihar goizean goizera arteez dietela jaiei amaiera emango .