Aldaketak egiteko asmoa
Proposatutako aldaketarik garrantzitsuena familiei ematen dieten laguntzari dagokionean egon zen. Orain arte, 279 euro ematen zioten hildakoen familiari, baina hemendik aurrera aldaketa egin gura dute: hain zuzen ere, orain proposatu dute laguntza hori 500 eurotara igotzea. Bazkideek onartu egin zuten igoera hori.
Urteko kuota, 16 eurokoa
Hala, senitarteko edo laguna ehorztea edo erraustea hautatuko duten familia guztiei emango dizkiete 500 euro, eta familia bakoitzaren eskuetan egongo da zer egin diru horrekin.
Beste igoera baten berri ere eman zuten: urteko kuota
12,5 eurotik 16 eurora igoko dute.
Bestalde, batzordekide berriak aukeratu zituzten batzar horretan. Honako hauek dira boto gehien jaso zutenak: Jose Antonio Uribe, Xabier Gabilondo, Iñaki Uribetxebarria eta Amaia Berezibar.