Udaleko osoko bilkurak onartu du Eudelekin hitzarmena egitea. Hitzarmen horren oinarria da Aretxabaletako adin txikikoek gizabanako bati kalte egiten badiote edo ondasun baten kontra egiten badute, adin txikikoei beste mota bateko zigorrak ezartzea.
Eudelen helburua da adin txikikoei espetxe edo bestelako zigorrak ez ezartzea.
Hala, adin txikiko batek pertsona bat eraso izan balu, zigor moduan adibidez pertsona horri bere zereginetan lagundu beharko lioke, edo bestela sendatu beharko luke.
Gizartearen aldeko lanak
Bestela, adin txikiko batek ondasun baten kontra egingo balu, zigorra bestelakoa litzateke. Hain zuzen ere, gizartearen aldeko lanak egin beharko lituzke: kaleko jarlekuak margotzea dela edo beste eginkizunen bat, esaterako.
Eudelek uda aurretik luzatu zion hitzarmena egiteko proposamena Udalari. Udalak atzeratu egin zuen erabakia hartzea, baina aho batez onartu zuen osoko bilkuran. Hortaz, urtarrilean jarriko dute hitzarmena indarrean.