Gastronomia eta Folklore jaialdia: olagarroa, pintxo adobatuak eta txistorra protagonistak

Goreti Elortza 2006ko urr. 30a, 09:38
Udalaren eskutik, X. Gastronomia eta Folklore jaialdia ospatu zuten atzo, domeka. Plazako arkupetan erkidego desberdinetako jaki eta edariak jarri zituzten salgai elkarte desberdinek. Laudiotik etorritako San Fernando Dantza Taldeak eta Errioxatik etorritako Voces de La Rioja taldeek emanaldia egin zuten eguerdian.

Galizia Etxekoek olagarroa saldu zuten gehien, Gaztela-Leongo postuan cecinak izan zuen arrakasta gehien eta Arrasateko Corazon de Encina Extremadurakoen postuan txitxi-burruntzia izan zen salduena. Errioxakoek ere txorixoa eta ardoa eskaini zuten eta Euskal Herria ordezkatzen Aretxabaletako Aratz taldekoak aritu ziren.

Patxaran lehiaketa

Aurten XII. Etxeko Patxaranen Lehiaketa egin dute. 24 botila aurkeztu dituzte. Juana Maria Cid (Eibar) izan zen lehenengo saritua. Bigarren postuan Clemente Olivenza gelditu zen eta hirugarren saria, Jose Jabier Irurek eraman zuen etxera. Azken biak Aretxabaletakoak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak