Gertaerak, domekan goizeko bostak aldera izan ziren Aretxabaletan. Ordu horretan, patruila bat joateko eskatu zuten Mitarte kaletik. Antza, pertsona bat eraso zuten eta bizkarretik odola zerion.
Agenteek arma zuriz egindako erasoa izan duen gizonezkoa ikusi zuten. Hainbat lekukok biktima eta beste pertsona baten arteko eztabaida bat izan zela, eta azkenean borroka egin zutela adierazi zieten. Lekukoen arabera, erasotzaileak biktimari hiru labankada eman zizkion eta korrika alde egin zuen. Zaurituak hiru zauri zituen, bi besoan eta bestea gerri aldean, beraz, Deba Goieneko Ospitalera eraman zuten.
Ordubete geroago, Ertzaintzak erasotzailea (J.M.R., 23 urteko Aretxabaletako bizilaguna) atxilotu zuen.