Iraileko lehen astelehenean joaten dira aretxabaletarrak Arantzazura. Alkatea eta udalbatzarreko gainerako kideak izaten dira herriaren ordezkari, eta lagun asko joaten da meza entzun eta bazkaltzera. Basotxo erretiratuen elkarteak autobusa antolatu du bazkideentzat. Txartelak Basotxoko lokalean jaso behar dituzte interesatuek abuztuaren 30ean eta irailaren 1ean, 10:30etik 12:30era bitartean. Bazkide bakoitzari lau txartel baino gehiago ez dizkiote emango, eta karneta aurkeztu beharko dute jasotzeko.