Joan den astearen hasieran izan zuen bidaia irabazteko zoria Anjelek. Hala ere, egia esan ez da oroitzen astelehena, martitzena edo eguaztena izan zen. Izan ere, sarri jokatzen du euskal tonbolan eta gainera alabak ere laguntzen dio. "Egunero joaten naiz anaiaren tabernara kafea hartzera eta kafea anaiaren kontura hartzen dudanez, tonbolako txartel bat erosi dut ia egunero azken asteotan."
Kontseiluko finantza buru Iker Gomez de Segurak eman zion Txinarako bidaia. Lau izarretako hoteletan zehar egin beharreko luxuzko ihesaldia izango da; zazpi gau eta bederatzi egun egingo ditu Txinan.
Euskal Tonbola
Euskal Tonbola iaz egin zuten estreinakoz; oraingoa, hortaz, bigarren edizioa da. Kontseilua gustura dago esperientziarekin. Dagoeneko txartel eta sari ugari banatu dituzte; Aretxabaletako Gurea tabernako txartel denak, adibidez, amaitu dira.
Euskal tonbola jokatuz euskara jokoan ez jartzen laguntzen dute erosleek. Izan ere, egitasmo horri esker lortutako etekinak euskaran normalizazioan urrats berri eta sendoak ematen jarraitzeko erabiltzen du Kontseiluak.