Kartelak zein esaldiak udaletxera edo kultur etxera (Iralabarri plaza, 13) eraman behar dira, eta azken eguna ekainaren 30a izango da. Epaimahaia Kultura batzordeak eta hainbat herritarrek osatuko dute, eta erabakia uztailaren 7an jakinaraziko dute.
Kartel lehiaketa
Edozeinek ekar dezake kartela lehiaketara, eta gura bezala egin daiteke. Hori bai, bi baldintza bete behar ditu:
- Kartelaren neurria 50x70 zentimetrokoa izatea, edo disketean ekarriz gero DINA 3.
- Ondoko testua izan beharko du:
Andramaixak 2006
Abuztuaren 14a, 15a, 16a eta 17a
Aretxabaleta
Kartelarekin batera egilearen datuak aurkeztu behar dira kartazal itxi batean.
Irabazleak 300 euro jasoko ditu eta egoki ikusten bada kartel guztiekin erakusketa antolatuko dute.
Esaldi lehiaketa
Andramaixetako egitarauan zein pegatinetan agertuko diren esaldiak gura dituzte: jaiak ondo pasatzeko animatuz, ligatzeko leloak 13 urtetik gorako aretxabaletarrek har dezakete parte, baita taldeka ere. Gura beste esaldi aurkez ditzakete, eta datuen txartela kartazal itxian utzi behar da.
Sariei dagokienean, egitarauan erabiliko den esaldia asmatu duenarendako 120 euro izango dira, eta pegatinak egiteko erabiliko direnak asmatu dituen pertsona edo talde bakoitzari 60 euro.