Shivlingeko gailurra egin dute Iñurrategi, Beloki eta Guenetxeak

Ostegunean, hilak 11, iritsi ziren Shivlingeko (6.543 m) gailurrera hiru mendizaleak, mendiaren mendebaldeko ertzari jarraituta. Igoera gogorra izan dute: "Hotz ikaragarria pasatu dugu goizeko lehen orduetan, eta bidea oso teknikoa iruditu zaigu, oso zaila eta konpromiso handikoa. Asko sufritu dugu". Horiek izan ziren Iñurrategiren hitzak.