Zazpi urte inguru egin ditu azokak Belorrieta auzoan, Errekabarren eta Loramendi kaleak elkartzen dituen errepidean, hain justu. Orain, baina, aldatzea erabaki du Udalak, errepide hori ixteak eragiten dituen zirkulazio arazoak gero eta handiagoak direlako. Bestalde, ordutegi zabalagoa ere izango du azokak: 09.00etatik 14:00etara, hain zuzen.
Hori guztia kontuan izanda, Udalak jakinarazten die herritarrei libre laga beharko dutela Gernika plaza ondoko aparkaleku txikia.