Egurrarekin egindako 20 eskultura jarriko ditu ikusgai Espinetek, eta horiekin batera 15 koadro ekarri ditu: "Ezohiko koadroak dira are, egur eta akrilikoekin egindakoak, hau da, bolumendunak" dio Espinetek. Memòria Matèrica izena jarri dio katalanak bere lanari eta haren zati bat izango da Aretxabaletara dakarrena. Materiaren gainean eskuak ezartzerakoan sortutako gozamenak eragindako lana dela dio, espazio berriak bilatzera bideratutako lana. Era berean, oroimenaren gainekoa ere bada, "hutsa osatzen duen materian sortzen delako gure oroimena". Xavier Espinet Bartzelonakoa da, eta aretxabaletar batekin dago ezkonduta.