Gatazka gainditzeko gakoak
Momentu politiko garrantzitsua bizi dugula uste du Aretxabaletako Batasunak, eta lehentasuna gatazkaren konponbideak duela. Hori horrela, Orain herria, orain bakea proposamenean murgilduta dabil azken hilabeteotan. Gatazka gainditzeko bi gako nagusi daudela iritzi diote: autodeterminazioa eta lurraldetasuna.
Horiek bultzatu eta aurrera eramateko bi hitzarmenetan oinarritutako prozesuak abiarazi behar direla uste du: batetik, Euskal Herriko eragileen arteko hitzarmena, eta bestetik, ETAren eta Espainiako eta Frantziako estatuen artekoa.
Hori guztia eta gehiago argituko du apirilaren 6an berbaldia egingo duen mahai nazionaleko kideak.