Orain urte batzuk antzerkiaren gaineko ikastaroa egin ostean sortu zuten Trilkimailu taldea herriko hainbat gaztek, eta orain eurak izango dira Loramendi Euskara Elkarteak antolatutako ikastaroa emango dutenak.
Beñat Zamalloak ikastaro guztiz praktikoa gertatu du. "Antzerkiarekin lotutako jolasak eta ariketak egingo ditugu" dio Beñatek. Ez hori bakarrik, beste asmo batzuk ere baditu: "Badaukat antzerkigile ezagunek idatzitako gidoiak ikusi eta lantzeko asmoa ere". Hainbat adinetako jendea elkartzea oso interesgarria litzatekeela gaineratu du. Ikastarorako deia 16 urtetik gorako guztiei egin die Loramendi EEk. Martxoko egubakoitz guztietan emango ditu eskolak Beñatek, 18:00etatik 20:00etara bitartean, udaletxe zaharrean.