Udaletxe zaharrean egin zuten sari ematea eta sail bakoitzeko irabazleek hartu zuten saria.
Partehartze zabala izan du lehiaketak, hain zuzen, herriko ikastetxe guztietako 212 ikaslek hartu dute parte lau mailatan banatuta:
- Lehen Hezkuntzako 2. zikloa: 101 ikasle
- Lehen Hezkuntzako 3. zikloa: 59 ikasle
- Derrigorrezko Bigarren Hezkuntzako 1. zikloa: 38 ikasle
- Derrigorrezko Bigarren Hezkuntzako 2. zikloa: 14 ikasle
Ipuina, poesia, komikia, grabaketa, amodiozko gutuna eta e-posta bidezko gonbidapenak arloak jorratu dituzte lehiaketan partehartzaileek.
Antolatzaileak pozik erantzunarekin
Loramendi euskara elkarteko kide Leire Lardizabalek esandakoaren arabera, pozik daude lehiaketak izandako erantzunarekin: "Aurreko urteetan antzera neska-mutiko ugarik hartu dute parte lehiaketan eta pozik gaude izandako erantzunarekin". Horrekin batera, lanen maila polita ere azpimarratu dute antolatzaileek.