Udalak gura du kirol etxea dagoen lekuan mantentzea, hau da, Markole auzoan. Baina proiektu egilearen eskuetan utzi du eraikina berritzea edo bota eta guztiz berria egitea. Gainera, aurrean daukan zelaia erabili ahal izango dute kirol etxeko instalazioak handitzeko. Bestalde, Udalak badaki aparkaleku beharra sortuko dela. Horregatik aztertu egin beharko dute automobilak uzteko lekurik egongo den: eraikin berriaren azpiko sotoan, kanpoaldean edo arkitektoak proposa dezakeen edonon.
Ezaugarriak
Hona kirol etxeak izan beharko dituen guneak:
- Harrera
- Zona hezea:
- Igerileku estalia: 25x16 m
- Igerileku estalia: 16x8 m eguzkia hartzeko zonarekin
- Gorputz tratamenduko zona:
- 2 sauna
- Lurrin bainua
- Hidromasajea
- Aldagelak
- Zona lehorra:
- Kirolendako pista: 44x24 m
- Fitness gela: 250 m2
- Erabilera askotako 2-3 gela
- Trinketa: 30x9,5 m
- Boulder rokodromoa
- Aldagelak
- Kanpoko guneak:
- 2 tenis pista: 35x17,5 m
- 2 padel pista: 20x10 m
- Futbol 8ko kantxa edo jolas libreko gunea
- Beste zerbitzu batzuk:
- Bulegoak:
- Zuzendaritza
- Bilera gela
- Taldeendako bulegoa
- Masaje eta kirol medikuntza gela
- Botikina
- Taberna eta mahaien gunea
- Mantentze-biltegia:
- Materialak gordetzeko biltegiak
- Araztegi, aire girotze gelak
Hiru hilabete egiteko
Arkitektoak bakarrik aurkeztu ahal izango dira lehiaketara. Oinarrizko proiektua eta exekuzio proiektua idatzi beharko dituzte eta aukeratutakoa lanen zuzendaritzaz arduratuko da. Gainera, proiektua euskaraz zein gazteleraz idaztea eskatuko diote. Urtarrilaren 24ko GAOn azaldu ziren betebeharrak, eta orain hiru hilabete izango dituzte proiektuak udaletxean aurkezteko, hau da, apirileko azken astea bitartean.
Epaimahaiak gero beste hiru hilabete izango ditu proiektuak aztertu eta egokiena aukeratzeko. Epaimahaia ondorengoek osatuko dute: alkateak, kirol zinegotziak, hirigintza teknikariak, kirol teknikariak eta Gobernu Batzordeko kideek. Lehiaketaren irabazleak lanen behin betiko proiektua eta lanen zuzendaritza jasoko ditu saritzat. Bigarrenarendako 3.000 euro izango dira eta hirugarrenarendako 1.800. Dena dela, epaimahaiaren eskuetan egongo da sari guztiak eman edo ez, proiektuen kalitatea aztertu eta gero.