Seigarren urtez ospatu zuten Kanutoren jarraitzaileek haren aldeko eguna. Azkena taberna da santuaren irudiaren gordeleku, eta urtean behin ateratzen dute jaia ospatzeko. Goizetik atera zuten irudia eta arratsaldean egindako kalejiraren ondoren eroan zuten berriz Azkena tabernan duen aldaretxora.
Bitarte horretan, ordea, gauza asko egin zituen Kanuto Deunak, haren jarraitzaileek lagunduta.
Askotariko ekitaldiak
Kanuto Deunaren eguna kirola egiten hasi zuten aretxabaletarrek, bolo txapelketa jokatzen, hain justu. Txapela Robertok eroan zuen.
Txikiteoaren ondoren bazkaria egin zuten pilotalekuan eta 115 lagun inguru batu ziren. Sarrerakoak, atuna tomatearekin eta kafea eta postrea jan zituzten, Kanuto Deunaren begiradapean. Bazkaria haren jarraitzaileek prestatu zuten, gainera.
Bazkaldu ondoren, Iñaki gizon-orkestraren emanaldia izan zuten eta baita Makulele eta Capoeira erakustaldiak ere Senzala taldearen eskutik. Gauean, berriz, Gaiteru´s Banden kontzertua eta DJ jaia ere izan zituzten egunari amaiera emateko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak