Atzo, urtarrilak 11, hil zen 76 urte zituela Bitoriano Aranburu Basurto. 50 urtetik gora egin zituen Bitoriano Aranburuk Aretxabaletako parrokian lanean. 17 urtean izan zen parroko, eta herritar zein auzotarrek ondo baino hobeto ezagutzen zuten. Hileta elizkizuna gaur, urtarrilak 12, izango da Aretxabaletako parrokian, 19:00etan. Joan Maria Uriarte gotzainak zuzenduko du.
Arrasatearra zen eta 1953ko ekainaren 29an izendatu zuten abade Arrasateko parrokian. Hala ere, Andramari egunerako gurean zegoen meza esaten. Ia 26 urte egin zituen On Anjel Garmendia orduko parrokoari laguntzen eta 1979ko uztailean bera izendatu zuten parroko. 17 urtean izan zuen parrokiako ardura eta 1996an utzi zuen osasun arazoak zirela eta.
Aretxabaletarrek omenaldi apal baina beroa eskaini zioten 2003ko ekainaren 15ean, apaizgoaren urrezko ezteiak ospatzeko. Ordutik hona osasunak ez zion lagun egin eta eguaztenen goizean, urtarrilak 11, zendu zen, 76 urte zituela.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.