Egoitza berria jarri zutenean hasi ziren Mari Karmen eta Xeli Etxeandia Gabonetako erakusleiho lehiaketan parte hartzen, eta iaz zein aurten jaso dute lehenengo saria. Baionara joaten dira apaingarriak erostera, eta aurten pinguinoak eta panpinak aukeratu zituzten umeen gustuko izango zirela pentsatuta. Umeena ez ezik erakusleiho lehiaketako epaimahaikideena ere bai, eta 250 euroko saria eskuratu dute Gemes estetika zentroko kideek.
Bigarren saria Pagaldai Pentsuak dendak jaso du, salgai dituzten produktuak erabilita baserri giroko erakusleihoa osatu dutelako.
Eta hirugarren saria Martin erloju dendarendako izan da, Gabonetako bolekin eta tximeletekin apaindutako erakusleihoarendako hain zuzen.