AP-1 autobideko zatirik ikusgarrienetako bat izango da Arbizelaiko zubia. Arrasatetik Gasteizera norabidean GI-627 saihesbidearen ezkerretara egingo dute. Lehen Arbizelai baserria eta orain Arbizelai poligonoa dagoen gainetik Isurieta auzora joango da. Bertan, Isurietako tunelarekin lotuko dute, eta tunel honek 260 metro izango ditu.
Arbizelaiko zubia ez da nolanahikoa izango: 560 metro luze eta 7 pilare izango ditu. Pilare horietako biren arteko distantzia 140 metrokoa izango da, horregatik kableekin babestuko dute zubia.
Zubiarekin ingurumenari eragindako kaltea gutxitu gura izan du Aldundiak. Hala, errepidearen saihesbideari, bidegorriarendako lekuari eta ibaiari ez dio eragingo.