Azken urtean hainbat aldaketa izan ditu Urkuluk asfaltatu eta txukundu egin dute eta aldaketa gehiagoren zain dago Udalak eta Naturgintza fundazioak egindako proiektuaren arabera. Aizkorri-Aratz parke naturalak ere izango du eraginik Urkulurengan. Horren guztiaren berri emateko jardunaldiak antolatu ditu Udalak abenduaren 13 eta 14an. Hona egitaraua:
Abenduak 13, martitzena:
- 18:30ean, aurkezpena: Rafael Uribarren, Baserri inguruaren Garapenerako Diputatua.
- 18:45ean, hitzaldia: Urkulu arroa. Ondo gordetako agrosistema baten azterketa. Hizlaria: Juan Andres Gutierrez, Nekazaritza eta Arrantza Azterketa eta Ikerketa Departamentuko zuzendaria.
- 19:15ean, hitzaldia: Aizkorri-Aratz parke naturala. Etorkizuneko aukerak eta Urkuluren eginkizuna parkeko sarbide gisa. Hizlaria: Iñaki Aizpuru, Parke Naturalen Ataleko burua Gipuzkoako Foru Aldundian.
- 19:45ean, mahaingurua.
Abenduak 14, eguaztena:
- 18:30ean, aurkezpena: Arritxu Oliden, Aretxabaletako alkatea.
- 18:45ean, hitzaldia: Parke ornitologikoak eta Arabako urtegien eta hezeguneen erabilera publikoa. Hamarraldi batean aktiboki eta arrakastaz kudeatzeko gakoak. Hizlaria: Elena Gomez-Chico, Arabako Foru Aldundiko Ingurumen eta Paisaia zerbitzu burua.
- 19:15ean, hitzaldia: Urkuluko urtegiaren inguruaren erabilera antolaketa proposamena eta egokitzapen proiektua. Hizlaria: Kiko Alvarez, Naturgintza fundazioaren proiektu arduraduna.
- 19:45ean, mahaingurua.
Erakusketa egongo da gainera udaletxeko ganbaran Argazkigintza Elkartearen eskutik. Urkuluko parajeen edertasuna eta bilakaera erakutsiko dute argazkiok.