Abenduarekin batera kaleratzen du Kultura Sailak hurrengo bi hilabeteotako ekintzen egitaraua. Halaxe, bihar, abenduak 3, hasi eta urtarrila bukatu bitartean izango dute herritarrek zer entzun eta zer ikusi. Hona egitaraua:
- Abenduak 3, 20:30ean, parrokian: Primoz Parovel Esloveniako akordeoilariaren ekitaldia. Arrasate Hiriko Akordeoi Txapelketako irabazle izandakoari Hsin-Ying Chen sopranoak egingo dio lagun.
- Abenduak 8: erakusleiho lehiaketaren hasiera.
- Abenduak 15, 18:30ean, Leizarra musika eskolan: ikasleek eskainitako musika entzunaldiak.
- Abenduak 16, 19:00etan, parrokian: organo kontzertua Mari Karmen Azpeitiaren eskutik.
- Abenduak 16, 22:30ean, Ezkutu tabernan: Kokein taldearen kontzertua.
- Abenduak 17, 20:30ean, parrokian: Aretxabaletako Akordeoi Orkestraren kontzertua.
- Abenduak 21, 18:30ean, Leizarra musika eskolan: ikasleek eskainitako musika entzunaldiak.
- Abenduak 23, 15:00etatik 18:00etara, kultur etxean: Gabonetako kriseilu edo farolatxoak egiteko tailerra umeendako.
- Abenduak 24, 10:30ean, Herriko Plazan: Gabon abestiak abestuko dituzte ume eta gurasoek kalean.
- Abenduak 24, 18:30ean: Olentzero. Herriko Plazan jaiotza jarriko dute eta musika eskolako umeen abesbatzak Gabon kantak abestuko ditu.
- Abenduak 27, 11:00etatik 13:00etara eta 16:00etatik 18:00etara, Iralabarri plazako lokaletan: Poxpolin tailerrak 3 eta 12 urte bitartekoendako.
- Abenduak 28, 16:00etan, kultur etxean: Ipuin kontalariak 3 eta 7 urte bitartekoendako, eta 7 eta 11 urte bitartekoendako.
- Abenduak 29, 11:00etatik 13:00etara eta 16:00etatik 19:00etara, kirol etxean: ur jolasak 8 urtetik gorakoendako eta gaztelu puzgarriak ume guztiendako.
- Abenduak 30, 19:00etan, parrokian: Jose Luis Franzesena organo jolearen kontzertua Aretxabaleta Abesbatzarekin batera.
- Abenduak 31, 18:30ean: Bizar Zuri.
- Urtarrilak 5, 18:30ean: Errege Magoak.
- Urtarrilak 28, 17:00etan, kirol etxean: Pirritx eta Porrotx pailazoek Maite zaitut ikuskizuna eskainiko dute.