Abenduaren 1etik aurrera itxita dago Urkulu urtegia inguratzen duen ibilbidea. Orain hilabete batzuk hartu zuen erabakia Udalak eta abenduaren 1etik aurrera zutoinak aurkituko dituzte bertara doazenek Goroeta auzo parean. Ibilgailuen joan etorria arautu eta Urkuluko ingurunearen erabilera behar bezala antolatu gura du Udalak.
Zutoinak jarri dituzte eta giltza daukatenek bakarrik kendu ahal izango dituzte, hau da, inguruko bizilagunek. Erabiltzaileek aparkalekuetan bakarrik utzi ahal izango dituzte automobilak, eta udaltzainek isunak jarriko dizkiete araututako guneetatik kanpo daudenei.
Bestalde, Bainuetxeko industrialdeko aparkalekua sustatzea gura du Udalak, eta Urkulu urtegian daudenak adinekoendako, umedunendako eta ezinduendako gorde. Helburua da ibilgailuen joan etorria murriztea eta oinezkoei lehentasuna ematea; horrela, gainera, bertako ekosistema babestuko dute.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.