Tranbiaren bigarren zatia ikusgai dago udaletxean

Araba ibilbidean hasi, Arkarazora doan bidegurutzean hain zuzen, eta Eskoriatzaino joango den tranbiaren zatia ikusgai dago udaletxean. Hainbat aldaketa proposatzen ditu, hortaz, ikusi gura duenak edo alegazioak aurkeztu abenduaren erdiraino izango du astia.

Araba ibilbidean, Arkarazoko bidegurutzean, hasi eta Errotabarri baserri ondo-ondotik Eskoriatzarantz aterako da tranbia Eusko Jaurlaritzak egindako proiektuaren arabera. Horrek hainbat aldaketa eragingo ditu errepidean: Fagor Automation lantegi parean dagoen biribilgunea Almen ikastetxe parera ekarriko dute. Hain zuzen Aretxabaleta eta Eskoriatza arteko mugan geratuko da, eta Almenera doan bidea ere aldatu egingo dute; bide zaharra erabiliko dute berriro.

Aldaketok aretxabaletar bati baino gehiagori eragingo dio, hortaz, proiektua ikusi gura izanez gero udaletxean hitzordua egin behar da aurrez.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.