Donostiako Tribuna Norte Kirol Elkartea izango du aurrez aurre Aretxabaletako UDA-Mercedes Goiko taldeak, eta Arrasateko kiroldegian jokatuko dute, bihar, urriak 1, 16:30ean.
Areto futboleko taldea aurten sortu da Aretxabaletan, eta Gipuzkoako ligan jokatuko du, hirugarren B mailan. Taldeko hamaika jokalariek ez daukate entrenatzailerik, ez behintzat egunero entrenatzen dituenik, baina ilusio handiarekin ekingo diote denboraldiari. Lehenengo partidua etxean tokatu arren Arrasaten jokatu beharko dute, hortaz, UDA-Mercedes Goiko taldeko mutilek eskertuko dute Aretxabaletako jarraitzaileen berotasuna.