Ikastaroen berri ematen duen esku orria banatuko dute Udaleko kirol zerbitzuek etxez etxe, eta dagoeneko zabalik dago izena emateko epea. Interesatuek kirol etxera deitu besterik ez dute, ikastaroak hastear daude.
Lau ikastaro berri
Kirol eskaintza zabalagoa eskura jartzeko asmoarekin lau ikastaro berri antolatu dituzte kirol zerbitzuek:
- Tonifikazioa: Muskuluen tonua garatzen erakutsiko dute musikarekin: hankak, gluteoak, bizkarra, abdominalak
- Gimnasia terapeutikoa: Lesio edo patologiaren bat dutenendako. Irakaslea fisioterapeuta izango da.
- Bizkarra lantzeko gimnasia: Bereziki bizkarra eta abdominalak lantzeko saioak.
- Gorputz kontzientzia: Pilates metodora hastapena: luzaketak, erlaxazioa, arnasketa. Pili Muñagorri izango da irakaslea.
Betiko kirol jarduerak
Berriak bakarrik ez azken urteotan eskaintzen dituzten jarduera guztiak egongo dira aukeratzeko kirol etxean.
- Spinning: 16 urtetik gorakoendako.
- Aerobic: 14 urtetik gorakoendako.
- Mantentze gimnasia: 16 urtetik gorakoendako.
- Igeriketa: Umeak 3 urtetik aurrera. Helduendako bi ikastaro aukeran: hastapena edo hobekuntza.
- Aquagym: Gimnasia uretan.
- Hirugarren adineko gimnasia
- Atzegiko gimnasia: gutxitu psikikoendako.
- Banakako entrenamendua: Kirola modu egokian egiten laguntzeko zerbitzua. Banakako elkarrizketa, azterketa medikua, saioen planifikazioa, kirolariaren formazioa, jarraipena, balorazioa eta eguneratzea.
Masaje zerbitzua
Guztia osatzeko masaje zerbitzua dago martxan uda ezkero: masaje terapeutikoak, erlaxagarriak, kirol lesioen tratamendua Aurrez hartu behar da txanda kirol etxera deituta edo fisioterapia@goienasport.com helbidean eskaera eginda. Ez da beharrezkoa kirol etxeko abonatua izatea, baina horiek prezio bereziak dituzte.