Nanteseko espetxean dagoen euskal preso politiko bakarra da Zuhaitz Errasti. Uztailaren 28an Brieve la Gaillarden atxilotu eta Fleuryko presondegian egon eta gero eraman zuten Nanteseko presondegira. Aretxabaltarrak beste euskal preso batzuekin egotea eskatu zion espetxeko zuzendariari. Eta erantzunik jaso ezean gose grebari ekin zion abuztuaren 15ean. Baraualdia hasi zuenez geroztik zazpi kilo eta erdi galdu ditu. Hala ere indartsu aurkitzen dela adierazi du presoak.
Kepa Urra, Galiziatik Andaluziara
Orain artean A Coruñako Texeiro espetxean egon da Kepa Urra, baina Cadizko Puerto de Santamariara eraman dute. Leku aldaketaren inguruan ezer gutxi dakite etxekoek. Hala ere, badakite lekuz aldatzean Salamanca eta Badajozeko espetxetan egonaldiak egin dituela.