Nazioarteko ordezkari akademikoak etorriko dira MUren mintegira, tartean Aalborg (Danimarka), Monterrey (Mexiko) eta Maastrich (Herbehereak) unibertsitateetako ordezkariak, horiek eredu izan ziren-eta MU hasi zenean Mendeberri hezkuntza proiektua zirriborratzen.
Mondragon Unibertsitatearen esanetan, mintegiaren bokazioa da hiritar eta profesional arduratsuak prestatzea, lagunduko dutenak gizarte bidezkoagoa egiten. Horretarako elkargunea izango da mintegia, unibertsitateek esperientziak truka ditzaten.
Egitaraua
Honako egitaraua antolatu dute:
Maiatzaren 26a, eguena
Ekitaldiak 09:00etan hasiko dira, Felix Marti Centre Unescoko ohorezko presidentearekin. Gero, Aalborg, Monterrey, Maastricht eta Mondragon Unibertsitateek euren hezkuntza proiektuak aurkeztuko dituzte banan-banan. Bazkalostean, Berrikuntza formakuntza esparru-zehatzetan: Enpresa Zientziak, Ingeniaritza eta Hezkuntza Zientziak mahai ingurua izango da.
Maiatzaren 27a, egubakoitza
Goizeko bederatzietatik hasita, hiru lantegi izango dira. Arratsaldeko bostetan, Berrikuntza euskal unibertsitate sisteman mahai inguruarekin bukatuko da mintegia.