Real Sociedad taldearen lagunartea sortzeko burutazioa izan dute herriko hainbat lagunek. Orain herriko Realzale guztiei zabaldu gura diete gonbitea, eta edozeinek eman dezakeela izena gaineratu dute: ume, gazte, zein nagusi. Arlutz eta Orly tabernetara jo behar dute interesatuek izena ematera, eta 10 euroko fidantza utzi behar dute.
Lagunartea sortzeko lehenengo pausuak ematen dabiltza Aretxabaletan, eta izenak jaso ostean, Realera joko dute ekimenaren berri emateko.