Apirilaren 15ean, egubakoitza, jokatuko du Oion-Uriarte bikoteak Udaberri Pilota Txapelketako finala. 19:00etan izango da Zumaian, eta Billabonako Bearzana elkarteko pilotariak izango ditu aurrez aurre.
Txapelketa polita jokatu dute Oion eta Uriartek; joan zen astean, esaterako Antzuolako bikotea garaitu zuten, 22-13. Gaur, txapeldunak izateko aukera izango dute.
Alzola eta Lasagabasterrek, ostera, galdu egin zuten txapelketako finalerdia. Azkoitiarrak izan zituzten aurkari, eta 22-11 irabazi zieten.