Aretxabaletako Udalak eta Lanku bertso zerbitzuak antolatuta bertso saioa egingo dute apirilaren 30ean. Luberri izeneko ekimen honekin bertso saioak berreskuratu gura dituzte galdu egin diren herrietan.
Euskal Herriko Bertsozale Elkarteak eta Kutxak elkarlanean aurrera daramaten proiektua da Luberri, eta Lanku bertso zerbitzuak kudeatzen du. Helburua du saioak galtzen dabiltzan herrietan bertso saioen antolaketa berreskuratzea. Saioek aurrera begira jarraipena izatea gura dute gainera.
Egitasmo horretan sartu da Aretxabaletako Udala, eta hala, bertso saioa antolatu dute. Lau bertsolari izango ditugu gure artean: Igor Elortza, Amets Arzallus, Ekaitz Goikoetxea eta Ainhoa Agirreazaldegi. Gai-jartzaile lanak Egoitz Aizpuruk egingo ditu.
Apirilaren 30ean izango da saioa, 22:30ean, kirol etxean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak