Santi Moralesek eta Aitor Irurek entrenatzen duten taldea eskualdeko txapelduna da, liga oraindik bukatu ez badute ere. Izan ere bost punturen aldea atera diote sailkapeneko bigarren taldeari, Urkori. Denboraldi bikaina egin dute; jokatutako sei partiduak irabazi dituzte eta 26 gol egin. Eurei, ostera, lau besterik ez dizkiete sartu, eta Eibar, Elgoibar eta Lagun-Onak talde entzutetsuei irabazi diete.
Domekan hain zuzen, jokatuko dute denboraldiko azken partidua Eibar taldearen aurka. 11:15ean izango da, Ibarra futbol zelaian; aukera paregabea izango dute herritarrek UDAko jokalari gaztetxoei txalo egiteko.
Hurrengo domekan, martxoak 20, Gipuzkoako Txapelketa jokatzen hasiko dira, eta beste eskualde batzuetako txapeldunak izango dituzte aurrean: Lengokoak, Antiguoko eta Tolosa. Bi buelta izango dituen liga erara jokatuko dute.