Preferenteko entrenatzailea aldatu egin du UDAko zuzendaritzak

Neka Galan UDAko preferente taldeko entrenatzailea aldatzea erabaki zuen atzo ilunkaran zuzendaritza taldeak. Felix Reciok hartuko du taldearen gidaritza, orain arte ohorezko mailako gazteen entrenatzailea izan denak.

Atzo, otsailak 16, elurraren ondorioz urtarrilean bertan behera utzitako partidua jokatu zuen preferenteko taldeak Real Unionen aurka. 1-5 galdu zuen, eta partidu ostean entrenatzailea aldatzea erabaki zuen UDAko zuzendaritzak. Jokin Antxia presidenteak hainbat arrazoi eman ditu; besteak beste, aldagelan giroa zakartzen hasita zegoela esan du.

Preferenteko taldea 14. postuan dago, jaitsiera postuetatik 2 puntura, eta etxean jokatutako azken bi partiduak galdu egin ditu. Domekan derbia jokatuko du Aloña Mendiren aurka, eta Felix Recio entrenatzailea izango dute aretxabaletarrek aginduak ematen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.